Të enjten, Ministri i Jashtëm grek vjen në Tiranë

0
570

Ministri i Jashtëm grek, Nikos Kotzias, do të zhvillojë të enjten një takim me homologun e tij shqiptar, Ditmir Bushati.

Në fakt Kotzias do të fluturojë të enjten drejt Vienës, ku të premten do të takohet me homologun maqedonas Nikolla Dimitrov dhe negociatorin e OKB-së për çështjen e emrit, Matzhew Nimetz.

Edhe pse nuk ka një njoftim zyrtar rreth këtij takimi, mësohet se avioni qeveritar grek do të bëjë një ndalesë prej rreth tri orësh në aeroportin e Rinasit.

Vetë Ministri i Jashtëm grek do të shkojë në Tiranë,për të zhvilluar një takim kokë më kokë me shefin e diplomacisë shqiptare, Ditmir Bushati.

Burime diplomatike në Athinë thanë  se ka shumë gjasë që takimi që bëhet pa praninë e mediave dhe madje gazetarët grekë që shoqërojnë ministrin Kotzias për takimin e Vienës, të qëndrojnë në Rinas.

Të njëjtat burime thanë se takimi inkuadrohet në përpjekjet e Athinës dhe Tiranës për të mbajtur aktiv dialogun e filluar në nëntor të vitit të kaluar.

LEAVE A REPLY

Please enter your comment!
Please enter your name here