Protesta për taksën e Rrugës së Kombit, ka sjellë bllokim për disa orë të këtij segmenti rrugor.
Radha e automjeteve nga Repsi i Mirditës deri në Tunelin e Kalimashit, pjesë që përshkon qarkun e Lezhës ka qenë kilometrike.
Drejtuesit e mjeteve kanë qëndruar për më shumë se 3 orë në rrugë, por kjo nuk i ka irrituar qytetarët.
Ata janë solidarizuar me protestën, pasi e konsiderojnë si tepër të lartë dhe të papërballueshme taksën e vendosur për kalimin në Rrugën e Kombit.
Vijimi normal i lëvizjes në Rrugën e Kombit ka nisur rreth orës 15:00, kur forca të shumta policie ndërhynë dhe shpërndanë protestuesit.
Ndërkohë për të normalizuar lëvizjen në këtë segment rrugor, ndërhyri policia rrugore.