Sekretari i Përgjithshëm i PD-së, Arben Ristani, ka theksuar se protestat nga opozita do të vijojnë, por nuk ka dhënë detaje mbi grafikun dhe mënyrën e zhvillimit të tyre.
Ai tha gjithashtu se pasditen e sotme do të ri mblidhet opozita e bashkuar për të vendosur hapat që do të ndiqen në vijimësi.
“E rëndësishme është që ramë dakord që ka vend për protestë. Ata njerëz ishin brenda ligjimtimitetit. Roli i opozitës është të përkrahë protesta të tilla qytetare, ne ndjejmë se ka vend për protestë. Se si do t’i përshkallëzojmë protestat kjo do të jetë në ditët në vijim. Kreu i PD-së, Lulzim Basha ka bërë me dije mosbindjen civile, por kjo të lë rrugë për të shkuar edhe drejt djegies së mandateve”, tha Ristani në studion e Neës 24.
Sipas tij, opozita do ti përgjigjet momenteve të caktuara dhe lufta do të vijojë të përshkallëzohet.
“Jemi duke ndjekur situatën koherente. Do të vendoset sot për hapat e mëtejshëm. Do të këtë protesta të vazhdueshme por unë nuk mund t’ju them grafikun. Ne jemi të prirur për të marrë masat e duhura,” tha Ristani.