Një vrasje me armë zjarri ka ndodhur në fshatin Luzhë të Tropojës. Ngjarja ka ndodhur mbrëmjen e sotme (6 prill) dhe sipas policisë viktimë ka mbetur shtetasi R.A., 25 vjeç.
“Shërbimet e Policisë kanë shkuar në vendngjarje dhe nga veprimet paraprake ka rezultuar se shtetasi R.A i cili po kulloste bagëtitë në fshatin Luzhë dyshohet se është vrarë me armë zjarri automatik, për motive të dobëta, nga shtetasi Safet Rizaj 23 vjeç, banues në Luzhë”, sqaron policia.
Autori u arrestua nga policia pak orë pas krimit, ndërsa gjatë kontrollit policia i gjeti armen e zjarrit tip automatik, e dyshuar që është përdorur për kryerjen e krimit.
23-vjeçari u shoqërua në Komisariatin e Policisë Tropojë për veprime të mëtejshme dhe për sqarimin e rrethanave të ngjarjes.