Policia e Shkodrës ka zhvilluar sot në orët e para të mëngjesit një aksion antidrogë duke ndjekur një grup personash të dyshuar për aktivitet kriminal në fushën e kanabisit.
Sipas burimeve policore postoblloku i vendosur në këtë zonë e ka ndaluar mjetin për kontroll dhe personat e dyshuar kanë bërë rezistencë duke u bërë kështu shkak për ndjekjen nga policia.
Mjeti po udhëtonte drejt Dukagjinit në rrugën Shkodër – Postribë – Kir.
Policia dyshon se brenda makinës ka pasur lëndë narkotike.
Pasi është ndaluar mjeti është shoqëruar në komisariatin e Shkodrës.
Policia e Shtetit është vendosur në Dukagjin në kuadër të parandalimit të kultivimit të bimëve narkotike, krahas monitorimit me dronë që do ti bëhet zonës.