Taksimi i Rrugës së Kombit do të japë ndikim mjaft negativ për turizmin në Shëngjin, kjo duke ju referuar faktit se pjesa më e madhe e pushuesve dhe vizitoreve në këtë zonë janë shtetas kosovarë.
Shqetësimi është ngritur nga operatorët turistikë në Shëngjin, sipas të cilëve qeveria duhet të reflektoje, pasi taksa e cila pritet të vendoset është mjaft e lartë dhe e papërballueshme.
Sipas statistikave më shumë se 50 % e pushuesve në plazhet e Shëngjinit dhe Tales në Lezhë janë shtetas kosovarë, çka do të thotë se nëse ata do ta braktisin Shqipërinë do të ketë rënie të ndjeshme të numrit të pushuesve gjatë sezonit turistikë. E kjo do të thotë shumë më pak të ardhura për biznesin.