Monday, December 17, 2018

Shqiptari kapet në dalje të autostradës me 1.2 kg kokainë në makinë

106
0

Një 31 vjeçar shqiptar ka rënë në prangat e policisë italiane për trafik kokaine. I arrestuari është shtetasi B.O.

Në automjetin e tij është gjetur e fshehur në pjesën anësore të motorrit 1 kg e 200 gramë kokainë e konfeksionuar hermetikisht.

Ndalimi i tij është bërë në daljen e autostradës Massafra në provincën e Tarantos.

Gjatë inspektimit të makinës nuhatja e qenëve policorë ka sinjalizuar praninë e lëndës narkotike.

Automjeti i shqiptarit i është nënshtruar një kontrolli në komandën provinciale të policisë financiare të Tarnatos, ku është gjetur e fshehur dhe sasia e drogës.

Shqiptari B.O është shoqëruar në burgun e Tarantos në dispozicion të autorieteve gjyqësore.

Policia italiane ka nisur hetimin për zbardhjen e bashkëpunëtorëve të tij si dhe destinacionin e mbërritjes së kokainës.

Shqiptarit i janë sekuesturar dy aparatët celularë të tij.

LEAVE A REPLY