Përfaqësuesja e Lartë për Punët e Jashtme dhe Politikën e Sigurisë në BE, Federica Mogherini, e cila ndodhet prej mbrëmjes së të martës në Tiranë, do të nisë paraditen e sotme takimet me krerët e shtetit dhe politikës, ku do t’u dorëzojë progres-raportin.
Takimet e Mogherinit nisin me Presidentin Ilir Meta në orën 09:30, për të vijuar me kryeministrin Edi Rama në 10:15, si dhe me përfaqësuesit e opozitës në 12:00 në Delegacionin e BE-së.
Zëvendës Presidentja Mogherini do të mbajë një konferencë të përbashkët për shtyp me Kryeministrin Rama nga ora 11:15-11:45 në Kryeministri.
Vizita e Federica Mogherinit në Shqipëri vjen si pjesë e turneut të saj në Ballkanin Perëndimor, nga 17 deri më 19 prill.
Përfaqësuesja e lartë e BE, Federika Mogherini tha se vazhdimi i reformave aktuale duhet të vazhdojë në të gjitha vendet dhe fushat.