Saturday, May 18, 2024
Home Aktualitet Babai i një prej kuksianëve të arrestuar: Kujtova se ishte Serbia, por...

Babai i një prej kuksianëve të arrestuar: Kujtova se ishte Serbia, por ishte policia shqiptare

0
498

Paraditen e së enjtes rreth 300 banorë të Kukësit dhe përfaqësues të shoqërisë civile kërkuan lirimin e 11 qytetarëve që mbahen në paraburgim pas protestës së 31 marsit në Kalimash.

Protestuesit kërkuan edhe heqjen e taksës së kalimit në Rrugën e Kombit. Gjykata e Apelit në Shkodër do të vendosë të premten për fatin e tyre pas apelimit të masave të sigurisë.

Pjesmarrësit në tubimin para Gjykatës së Kukësit kishin marrë lejë nga policia vendore, ndërsa gjatë protestës u lëshuan thirrje kundër arrestimeve.

Xhevahir Gashi, babai i njërit prej të arrestuave, për mikrofonin e Ora News, kërkon lirimin e tij.

Xhevahir Gashi: Me gra me fëmijë, i madh dhe i vogël, në orët e vona të mesnatës i nxjerrin me forcë jashtë. Kujtova se është Serbia dhe hyri brenda, por ishte policia shqiptare. Kërkesa ime është zero taksa, e dyta të lirohet djemtë nga qelia se janë të pafajshëm.

Një pjesmarrës në protestë, shprehet i revoltuar për taksën.

Qytetar i Kukësit: Ne protestuam për lirimin e vellezërve tanë, janë 11 të arrestuar padrejtësisht. Ata kanë protestuar për të drejtat e tyre. Nuk mund të vendoset një taksë në një zonë që është më e varfra në Republikë.

Protesta u mbyll brenda afatit të përcaktuar, ndërsa Policia e Kukësit kishte menduar ta mbante vetë situatën nën kontroll, duke mos thirrur në ndihmë Forcat e Ndërhyrjes së Shpejtë. Gjatë këtij tubimi nuk u shënua asnjë incident dhe pjesmarrësit u shpërndanë në qetësi.

LEAVE A REPLY

Please enter your comment!
Please enter your name here