Dy të rinj turq janë ndaluar nga policia kufitare në Rinas. Të arrestuarit janë Ozan I., 21 vjeç, Elif I., 18 vjeçe, lindur dhe banues në Turqi .
“Shtetasit e mësipërm, janë të fejuar dhe janë ndaluar nga shërbimet e Policisë Kufitare Rinas në dalje, pasi janë kapur me dokumente udhëtimi angleze të falsifikuara. Këta shtetas do të udhëtonin në drejtim të Londrës, të cilët kishin hyrë në Shqipëri disa ditë më parë nga Turqia“, sqaron policia.
Dokumentet e falsifikuara u sekuestruan në cilësinë e provës materiale.
Materialet i kaluan Prokurorisë së Rrethit Gjyqësor Tiranë për veprime të mëtejshme.