Prokurorja Fatjona Memçaj është e dyta në radhët e prokurorëve që do t’i nënshtrohet procesit të Vettingut. Prokurorja e Prokurorisë së Apelit në Tiranë është subjekti i radhës që do të kalojë në ‘rrjetën’ e Vettingut. Seanca dëgjimore në Komisionin e Pavarur të Kualifikimit do të zhvillohet më 30 prill.
Memçaj do jetë në seancën publike, në orën 11:00, përballë trupës gjykuese të përbërë nga Alma Faskaj, Roland Ilia dhe Fierdes Shuli. Kjo është prokurorja e dytë që kalonë në ‘sitën’ e Vettingut, pas prokurores së Shkodrës, Besa Nikëhasani, e cila u shkarkua pasi nuk justifikonte pasurinë.
Gjithashtu, Vettingu ka ‘djegur’ edhe disa gjyqtarë, siç janë Fatos Lulo i Kushtetueses dhe Besim Trezhnjeva i Apelit Durrës. Deri më tani, e vetmja që ka kaluar me sukses provën e pasurisë dhe pastërtisë së figurës është gjyqtarja e Kushtetuese, Vitore Tusha, ndërsa pritet vendimi dhe për gjyqtaren e Kushtetuese, Altina Xhoxhaj, me 3 maj.