Studentët e fakultetit ekonomik pranë Universitetit të Tiranës pjesë e programit Erasmus +, të cilët duan të vazhdojnë studimet e tyre në nivelin Bachelor, Master dhe Doktoraturë kanë mundësinë të aplikojnë për të studiuar në këtë universitet, kjo në kuadër të këtij programi për vitin akademik 2018-2019.
Kohëzgjatja e bursave për këto tre nivele bachelor, master dhe doktoraturë është dy semestra akademikë. Bursat përfshijnë kompensimin 800 euro në muaj për çdo student përfshirë dhe kostot e udhëtimit.
Për të gjithë studentët të cilët duan të informohen lidhur me dokumentacionin që duhet plotësuar, Fakulteti Ekonomik ka shpallur listën në faqen e tij zyrtare.
Ky fakultet nënvizon për studentët e interesuar se duhet të përzgjedhin në Universitetin përkatës lëndë të njëjta me ato që do të kryejnë në semestrin e parë dhe të dytë në fakultetin ekonomik pranë Universitetit të Tiranës, kjo në mënyrë që lëndët dhe kreditet të njihen. Aplikimet për bursa zgjasin deri në datë 8 maj.