Luan Rama:Lexojeni statusin e Kryeministrit, dëgjojeni edhe fjalën e zëvendëskryeministres, po ju lutem mos qeshni!

0
558

“Gëzuar 5 majin” Kështu shkruan kryeministri Edi Rama në rrjetin social Facebook.

Një gjë e tillë e ka irrituar së tepërmi Luan Ramën e LSI i cili i ka kujtuar kryeministrit se 5 maji nuk është festë por është një ditë nderimi për ta ndaj fjala “gëzuar” është e pavdend. Pas tij, Rama i LSI sulmon edhe Senida Mesin, zv.kryeministren e cila në fjalën e saj thotë se ka lexuar librin “1001 yjet”,  ku ka mësuar për dëshmorët, për datën e lindjes dhe të vdekjes së tyre!

“Injoranca nuk ka brirë!

Nderim, përulje, heshtje, krenari dhe solemnitet! Ky është “protokolli” i 5 majit, i ditës së përkujtimit dhe nderimit shtetëror, kombëtar e popullor të dëshmorëve të atdheut!

Mirëpo ja që edhe në këtë ditë të shenjtë, ku dhembja,nderimi, mirënjohja e krenaria për të rënët në altarin e lirisë së atdheut përbëjnë homazhin për ta, nuk mund të mungonin edhe episodet e injorancës si dëshmi hipokrizie e për të na risjellë në kujtesë shprehjen “injoranca nuk ka brirë”!

Shikoni postimin e Kryeministrit në profilin e tij ne facebook: shkruan “Gëzuar 5 majin!”

Po 5 maji nuk është festë more Kryeministri ynë që të na thuash gëzuar! Eshtë ditë përkujtimi për të rënët! Eshtë ditë nderimi për ta! E në një ditë të tillë fjala “gëzuar” është e pavend!

Ndaj mësoje që gëzuar thuhet në ditë feste apo gëzimi, jo në ditë përkujtimi!

E pas kryeministrin na shfaqet me gjithë kulturën e vet të të lexuarit edhe zëvendëskryeministrja, që paska në shtëpinë e vet librin e saj të vjetër “ 1001 yjet” ku ka lexuar e mësuar për për dëshmorët e Luftës!

Nuk është përrallë, është e vërtetë; zëvendëskryeministrja ka në shtëpi librin e vjetër “1001 yjet” ku ka lexuar dhe mësuar për dëshmorët, për datën e lindjes dhe të vdekjes së tyre!!!

Lexojeni statusin e Kryeministrit, dëgjojeni edhe fjalën e zëvendëskryeministres, po ju lutem mos qeshni!…”, shkruan Luan Rama.

LEAVE A REPLY

Please enter your comment!
Please enter your name here