Pallati i Brigadave hap të shtunën dyert, tridhjetë punime artistike do prezantohen për publikun

0
572

Një nga monumentet e historisë dhe peizazhit urban i kthehet publikut si një nga pikat më të rëndësishme të atraksionit ambiental, historik, monumental dhe turistik të Tiranës.

Pallati i Brigadave do të hapë dyert këtë javë për të gjithë dashamirësit e artit duke pasuruar jetën kulturore të kryeqytetit.
thumbnail_pallati brigadave (1)
Tridhjetë punime (vizatime, akuarele, pastele) do të prezantohen në ekspozitën e titulluar “Rizbulojmë Parkun”, duke përfaqësuar mbresat e artistëve të rinj, ndërkohë që qytetarët njëkohësisht do të mund të zbulojnë skulpturat, kopshtet, arkitekturën e ndërtesave dhe bukuritë e fshehura prej kaq vitesh të këtij Parku.
pallati brigadave (2)
Për të zbuluar parkun vizitorët do shoqërohen jo vetëm nga një guidë që rrëfen më shumë rreth historisë dhe vlerave kulturore e mjedisore, por edhe nga tingujt e muzikës së harqeve të Liceut Artistik.

Ekspozita “Rizbulojmë Parkun” do të qëndrojë e hapur për qytetarët nga data 12-13 Maj, ora 11:00-17:00 tek Pallati i Brigadave.
thumbnail_pallati brigadave (4)
Prej tre vitesh Bashkia e Tiranës ka ndërmarrë një sërë iniciativash për të afruar qytetarët dhe veçanërisht të rinjtë me artin, por njëkohësisht edhe me këto atraksione turistike të qytetit.

LEAVE A REPLY

Please enter your comment!
Please enter your name here