Prokuroria regjistron si procedime penale hetimet për akuzat e PD-së ndaj Agron Xhafajt.
Këshilltari për median në organin qendror të akuzës, Denion Ndrenika i pyetur nga Ora News, ka thënë se procedimi i nisur kryesisht për akuzat e PD po hetohet tek krimet e rënda. N
Ndërkohë procedimi i nisur pas kallëzimit të Agron Xhafajt në lidhje me vërtetësinë e përgjimit, po hetohet në Prokurorinë e Tiranës.
Burimet zyrtare thanë se dy prokuroritë po rakordojnë për një hetim të përbashkët dhe pritet që të bëhet bashkimi i procedimeve në një të vetëm me qëllim kryerjen e veprimeve të nevojshme për zbardhjen e ngjarjes.