Vetingu, Komisioni i Pavarur i Kualifikimit ‘kontrollon’ sot gjyqtaren e Kurbinit, Marçela Shehu

0
912

Marçela Shehu, gjyqtare në Gjykatën e Kurbinit, është gjyqtarja e radhës që do kalojë në sitën e Vettingut.

Seanca dëgjimore ndaj saj do të zhvillohet sot në ora 10:00. Trupa gjykuese e Komisionit të Pavarur të Kualifikimit (KPK) përbëhet nga Brunilda Bekteshi, Lulzim Hamitaj dhe Olsi Komici.

Gjyqtarja e Kurbinit Marcela Shehu është kandidate për në Këshillin e Lartë Gjyqësor.

Marçela Shehu, gjyqtare e Gjykatës së Kurbinit është një nga 14 kandidatët për Këshillin e Lartë Gjyqësor dhe për rrjedhojë, edhe pjesë e listës prioritare të vetingut. Shehu do të përballet më 1 qershor në seancë dëgjimore me Komisionin e Pavarur të Kualifikimit, që përfaqësohet në këtë proces nga Brunilda Bekteshi, Lulzim Hamitaj dhe Olsi Komici.

Marçela Shehu e nisi karrierën në gjyqësor në vitin 2006. Ajo ka mbaruar Shkollën e Magjistraturës dhe pasi punoi për pak muaj në Gjykatën e Tiranës, u emërua gjyqtare e Gjykatës së Kurbinit-pozicion të cilin e mban edhe sot.

Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë së deklaruar të gjyqtares Marçela Shehu nga viti 2006 deri në vitin 2016.

LEAVE A REPLY

Please enter your comment!
Please enter your name here