Pronarët e mjeteve lundruese në Durrës kanë dalë sot në një protestë. Protesta e tyre vjen pas një urdhër të Policisë Kufitare e cila ka bllokuar motorët e ujit, apo mjete të tjera që shërbejnë për argëtimin e pushuesve. Ky bllokim motivohet për shkak se në licencën e tyre duhet të shënohet edhe vend-bazimi i këtyre mjeteve.
Por ky urdhër ka sjellë pakënaqësi te pronarët.
Një tjetër vendim që i penalizon është edhe pajisja me leje lundrimi për këdo që zgjedh të përdorë një nga këto mjete.
Pronarët e quajnë një kërkesë të tillë absurde, pasi jo çdo pushues e disponon një kualifikim të tillë.
Nga Durrësi deri në Kavajë operojnë 12 subjekte të tilla të licencuara për ushtrimin e aktivitetit me mjete motorike për sporte ujore. Dy ditë më parë edhe në Vlorë u protestua për të njëjtën situatë.