Kreu i grupit parlamentar të LSI-së, Petrit Vasili ka reaguar sot pas deklaratave të Edi Ramës, në lidhje me integrimin e Shqipërisë.
Sipas Vasilit, Rama është një gënjeshtar i pashërueshëm.
Reagimi i plotë i Petrit Vasilit:
Ky kryeministër tradhëtar i integrimit dhe gënjeshtar i popullit.
Sot kryeministri llafazan dhe i inkriminuar po zbulon armiqtë e brendshëm dhe të jashtëm.
Ky frymëzues e mbështetes i krimit të organizuar, një Judë i vërtetë antiintegrim, jo vetëm damkosi Shqipërinë, por edhe e sabotoi me qellim integrimin ne funksion të strategjisë prolindore dhe antieuroatlantike.
Ky kryeministër e ka tradhtuar haptas integrimin pasi u tha europianëve se e ka kthyer zverkun nga lindja e Europës dhe nuk i intereson hiç fare nëse i hapin apo jo negociatat se ai ka alternativa të tjera joeuropiane.
Por ky është edhe gënjeshtar pa shërim i popullit.
Ja lexojeni vetë ç’ thoshte kryeministri ne parlament pak javë më parë në 3 maj 2018 dhe i drejtohej i ngrefosur opozitës:
‘Ne morëm rekomandimin për hapjen e negociata pa asnjë kusht, një dëftesë që dëshmon se Shqipëria nuk ka lidhje me asgjë nga ato që thonë këta.’
Këto thoshte pak javë më parë kryeministri, sot pacipësisht bën sikur harron gënjeshtrat dhe debilitetet që ka thënë.
Kujtohu, kujtohu o kryeministër, se do japësh llogari për këto që ke thënë.