Ish-ministri i Jashtëm francez dhe ish-administrator i OKB-së për Kosovën Bernard Kouchner i ka kushtuar një artikull në “Euroactiv” çështjes së progresit dhe integrimit të vendeve të Ballkanit Perëndimor në BE.
Ai thotë se edhe pse BE-ja kohët e fundit ka qenë e zënë me çështje si Brexit-i apo kriza e emigrimit, ka gjetur kohën të flasë për integrimin e Ballkanit Perëndimor. Një integrim i qëndrueshëm i rajonit është lajm i mirë në fakt pasi mund të çojë në një Europë të federalizuar dhe në një Bashkim të plotë, shkruan diplomati francez.
Bernard Kouchner është Ministri i mëparshëm i Francës për Punët e Jashtme dhe Europën, bashkëthemelues i “Mjekët Pa Kufij”, dhe themelues i “Mjekët e Botës”. Ai ka qenë kreu i administratës së Misionit të Kombeve të Bashkuara në Kosovë.