Sot zhvillohen dy ndeshjet e para çerekfinaliste në kampionatin botër të futbollit që po zhvillohet në Rusi.
Nga ora 16:00 zhvillohet ndeshja mes Uruguait dhe Francës kurse nga ora 20:00, ajo në mes të Brazilit dhe Belgjikës.
Ndeshja hapëse e çerekfinaleve është ajo në mes të Uruguait dhe Francës që zhvillohet në stadiumin Nizhny Novgorod.
Ekipi i Didier Deschamps arriti në çerekfinale pasi mposhti Argjentinën e Lionel Messit me rezultat 4 me 3.
Kurse Uruguai mbylli fazën e grupeve me tri fitore.
Franca asnjëherë nuk ka fituar një ndeshje kundër Uruguait, me dy barazime dhe një humbje dhe me vetëm një gol të shënuar.
Nga ora 20:00 zhvillohet ndeshja me Brazilit dhe Belgjikës në stadiumin e Kazanit.
Pesë herë kampioni i botës, Brazili, ka arritur në çerekfinale pasi ka mposhtur Meksikën me rezultat 2 me 0, me golat e Neymar dhe Fiminos që mjaftuan për thyer rezistencën e mbrojtjes meksikane.
Nga ana tjetër Belgjika ka arritur deri në çerekfinale pa asnjë humbje në 23 ndeshjet e fundit. Ata janë bërë ekipi i parë në 48 vitet e fundit që kanë kthyer rezultatin në favor të tyre nga 2 me 0 për ta mposhtur Japoninë në fund 3 me 2.
Brazili ka fituar tri ndeshjet e fundit kundër Belgjikës, herën e fundit në “Kupën e Botës” në vitin 2002.