Duke folur për sigurinë në plazhet shqiptare ministri i Turizmit dhe Mjedisit, Blendi Klosi kërkoi nga bizneset që të punësojnë roje bregdetare.
Në lidhje me jetët njerëzore të humbura ditët e fundit në plazhe ai u shpreh se çdo humbje njerëzore i bën kokëulur.
“S’kemi asnjë incident në plazhet tona sa i takon mjeteve lundruese. Kemi përsëri ngjarje, për këtë jemi kokëulur, me humbje jetësh në plazhet tona.
Klosi tha se sistemi i ruajtjes së plazhit pothuajse është ngritur në gjithë Shqipërinë, megjithëse shtoi ai, jo në kushtet që duhet.
Ministri e bëri të qartë se shteti nuk mund të vërë njerëz për të ruajtur plazhet, por duhet të jetë vetë biznesi që të marrë masa në këtë drejtim, siç e përcakton VKM.