Votimi i ligjit për Teatrin Kombëtar në seancën e së enjtes së shkuar është i vlefshëm.
Në këtë konkluzion ka arritur Sekretariati për Procedurat dhe Votimet në Kuvend pas investigimit të bërë lidhur me procesin, duke rrëzuar kështu kërkesën e PD-LSI për shpalljen të pavlefshëm të votimit dhe përsëritjen e tij.
Opozita pretendonte për manipulim dhe vjedhje votash. Në fakt gjithçka lidhet me votimin e deputetit Robert Bitri me kartën e deputetit Vangjel Tavo. Vota e këtij të fundit u numërua pro ligjit pa qenë i pranishëm jo vetëm në sallë por as në Shqipëri.
Kreu i grupit parlamentar të PS-së, Taulant Balla, foli për një skenar pas këtij votimi. Ai tha se zotit. Bitri i kishin lënë kartën e Tavos në tavolinën e tij me qëllim për të prishur votimin.
Opozita në shenjë proteste bojkoi seancën e sotme plenare.