Policia Rrugore ka arrestuar dy drejtues për drejtim mjeti në gjendje të dehur në kontrollet e natës së kaluar.
Ata kanë njoftuar se ka patur abuzim të drejtuesve edhe me shpejtësinë. Sipas policisë, janë pezulluar 12 leje drejtimi për lëvizje me makinë nën efektin e alkoolit në masën që varionte nga 0.28 mg/l deri 0.48 mg/l.
“Duajeni jetën/mbrojeni atë/stop alkoolit në timon/ec ngadalë mos shpejto”, apelon Policia e Shtetit.
Kontrollet me drager u bënë në kryeqytet dhe në autostradën Tiranë-Durrës.
