Një 39-vjeçar është arrestuar sot nga policia, pasi akuzohet për vrasje të dyfishtë. Burime zyrtare nga policia bënë me dije se bëhet fjale për shtetasin Ndue Memaj. Ky i fundit ishte i shpallur në kërkim për vrasjen e dy personave në vitin 1999, ndërsa ishte dënuar me 20 vjet burg.
Memaj u kap nga shërbimet e Komisariatit të Policisë Pukë dhe forcave Operacionale të Policisë Shkodër, në bazë të informacioneve të marra në rrugë operative.