Ambasadorja shqiptare në Itali, Anila Bitri u shpreh se nuk ka shqiptarë të tjerë të lënduar nga shembja e urës në Genova, ku deri më tani kanë humbur jetën 39 persona mes të cilëve edhe dy shqiptarët Marjus Djerri dhe Admir Bokrina.
Ambasadorja Anila Bitri u shpreh se ambasada shqiptare po mban kontakte dhe ofron ndihmë ndaj familjarëve të viktimave, ndërsa sipas saj një prej shqiptarëve që humbi jetën do prehet në Itali, ndërsa viktima tjetër do transportohet drejt Shkodrës.