Presidenti i Shqipërisë, Ilir Meta po merr pjesë në sesionin e 73-të të Asamblesë së OKB-së.
Lajmin e ka bërë publik vetë presidenti me një postim në Twitter.
‘Filloi sesioni i 73-të i Asamblesë së Përgjithshme të OKB-së.
Shqipëria e përkushtuar ndaj paqes, qëndrueshmërisë dhe zhvillimit në rajonin e Europës Juglindore dhe botës mbarë’, shkruan presidenti Ilir Meta në Twitter.
Një ditë më parë, presidenti Meta ishte i pranishëm në dy aktivitete të tjera të zhvilluara në New York.
Presidenti Meta, mori pjesë në seancën solemne për Nelson Mandelën dhe në Samitin e thirrur nga Presidenti i Shteteve të Bashkuara të Amerikës, Donald J. Trump, për problemet botërore të drogës.
