Qendra e Analizave Politike Europiane (CEPA) përmes një statusi në rrjetin social Twitter ka shërndarë thirrjen e Presidentit të Republikës Ilir Meta, gjatë vizitës si i Ftuar Nderi i kësaj Qendre në Universitetin “John Hopkins” në Uashington D.C ku thekson që të ketë vëmendje të veçantë ndaj Ballkanit, dhe te ruhen arritjet e deritanishme në rajon.
“Le të ruajmë atë që kemi, sepse nuk ka rajon më të bukur se Ballkani”, citon CEPA deklaratën e Metës.
Postimi i plotë i CEPA
Ju lutemi gjithmonë mbani një sy hapur te Ballkani, edhe kur jeni në gjumë! Kjo do të na ndihmonte për të mos i minuar arritjet e deritanishme në rajon. Le të ruajmë atë që kemi arritur, sepse nuk ka rajon më të bukur se Ballkani!
