Monday, October 15, 2018

Bastet e kazinot, Rama: Të mbyllim biznesin që i çan dërrasat shqiptarëve

147
0

 Në rubrikën “Përgjigjja ime” kryeministri Edi Rama vendosi t’i përgjigjej një qytetari që e pyet në lidhje me mbylljen e kazinove dhe pikave të basteve.

Sipas komentuesit, me mbylljen e tyre do të mbeten shumë njerëz pa punë, por kryeministri insiston se ky është një vendim aspak fatkeq, “pasi nuk mund të reshtim së kërkuari punë për të mbushur skedina”.

Halla si e bërë, jeni i madh fare, po ik se lat nam ca i keni këto do lesh gjith kta njerëz pa pun jeni ne terezi ju apo jo??? Hap ore vende pune per ata qe lozin lloto e kazino qe mos te ken me mendje per atje. Ca esht kjo llogjik kemi gjyusmit pa pun, hajt ti bëjmë gjithë pa pune,”shkruan komentuesi

Kreu i qeverisë thotë se nga janari në shtator të këtij viti janë punësuar 26 mijë vetë. Rama gjithashtu u shpreh se “kush ka dhënë me qera lokale bastesh e lojërash fati, do të adoptohet në një treg për konsumin”.

“A e di sa janë punësuar nga janari në shtator? 26 mijë vetë, dhe për këta nuk ka një X po ka një emër e mbiemër në Republikën e Shqipërisë.

240 mijë është paga më e ulët sot në vend, marrin ata që s’kanë zanat dhe as kualifikim. Kush i ka këto, merr shumë më shumë. Qindra miliona euro në vit që i merren familjeve do i shkojnë ekonomisë shtëpiake, s’do i marrë lumi.

Kush ka dhënë me qera lokale bastesh e lojërash fati, do të adoptohet në një treg për konsumin, mos më shaj nëpër dhëmbë, por më ndiq me vëmendje.

Taska më e ulët në rajon nga janari, do të flasim me fakte shqip. Kumari është financimi i krimit në Shqipëri, edhe pse vumë rregull më shumë më parë, krijuam një sistem të ri kontrolli mbi lojërat e fatit. Është domosdoshmëri për Shqipërinë e sotme largimi i tyre. DO doja ta bëja më parë sic e kisha premtuar, por s’mundja dot se rezistenca ishte e madhe. Në mandatin e parë kisha rezistencë si pasojë e koalicionit qeverisës. E di që kam zhgënjyer shumë njerëz, por nuk munda dot, unë kam qenë më i mërzitur. Por këtë 31 dhjetor nuk do ndodhë. Këtë herë mundem. Se di çfarë do bëjë opozita të mbyllë biznesin që iu çanë dërrasat shqiptarëve.

Do i bëjmë dhuratë shumë familjeve që duan të shpëtojë pjesëtarët e tyre nga kjo sëmundje,” tha Rama.

LEAVE A REPLY