Saturday, April 13, 2024
Home Aktualitet Presidenti Meta i jep “Dekoratën e Flamurit Kombëtar” Princit të Monakos

Presidenti Meta i jep “Dekoratën e Flamurit Kombëtar” Princit të Monakos

0
644

Presidenti Ilir Meta dekoroi Princin e Monakos, Albert II me  “Dekoratën e Flamurit Kombëtar” me motivacionin “Për kontributin e çmuar në inkurajimin e marrëdhënieve miqësore mes dy vendeve. Për intensifikimin e marrëdhënieve dhe bashkëpunimit midis Shqipërisë e Principatës së Monakos. Për mbështetjen e vyer për ruajtjen e biodiversitetit në zona të mbrojtura detare në Shqipëri

Në fjalën e tij, presidenti Meta tha se dita e sotme është historike për marrëdhëniet dypalëshe midis Shqipërisë dhe Principatës së Monakos.

Meta: Ndihemi shumë të nderuar, pasi kjo është vizita e parë e një Monarku të Principatës së Monakos në Shqipëri, pas shumë shekujsh monarki. Gjithashtu, dëshiroj që të vlerësoj lart që në fillim, vëmendjen e veçantë që Lartësia e Tij e Përndritur dhe Qeveria e Monakos po u kushtojnë në vitet e fundit, marrëdhënieve me Shqipërinë.

Kreu i shteti i bëri thirrje biznesit monegask për të parë mundësinë e investimit në Shqipëri.

Meta: Principata e Monakos gëzon një reputacion të jashtëzakonshëm ndërkombëtar veçanërisht në fushën e mbrojtjes së mjedisit dhe ekonominë e gjelbër, turizmit, inovacionit dhe teknologjisë, apo në fushën e shërbimeve financiare. Të gjitha këto fusha janë me shumë interes edhe për Shqipërinë në këtë stad zhvillimi, ndaj dhe shfrytëzova rastin, dhe përmes Lartësisë së Tij të Përndritur i bëra një thirrje biznesit monegask për ta eksploruar e për ta parë Shqipërinë si mundësi investimi, por edhe për shtrirjen e aktiviteteve të tyre përmes Shqipërisë në rajonin tonë.

Gjatë ceremonisë Princi i Monakos garantoi vullnetin e principatës në forcimin e marrëdhënieve me Shqipërinë.

Albert II: Jam i bindur se tërësia e fushave të bashkëpunimit që ju përmendët zoti Presidenti, do të mund të njohë zhvillime të frytshme që të dyja komunitetet tona kanë aftësinë t’i arrijnë. Ky det mesdhetar djep i njerëzimit duhet të jetë objekti i gjithë vëmendjes tonë.

LEAVE A REPLY

Please enter your comment!
Please enter your name here