Anija Lissus e Forcës Detare shqiptare ka ndihmuar në shpëtimin e 73 emigrantëve në detin Egje.
Anija mori pjesë në dy operacione në harkun e pak orëve për shpëtimin dhe parandalimin e emigrantëve .
Forca Detare diktoi një gomone me 33 emigrantë që po mbyteshin dhe personat në bord që po hiqnin ujin me mjete rrethanore.
Ministria e Mbrojtes raporton se ekuipazhi shqiptar, i përbërë nga zhytës dhe infermierë dhe i pajisur me gomonen e anijes, ka qëndruar në gatishmëri për evakuimin e personave në rast emergjent.
Të 33 emigrantët në gomone, nga të cilët 19 burra, 6 gra dhe 8 fëmijë sirianë, irakianë, palestinezë dhe kuvajtianë, u imbarkuan në bordin e anijes së Frontex brenda pak minutash.
Gjithashtu Lissus mesnatën e mbrëmshme shoqëroi një tjetër gomone me 40 persona të pikasur nga roja bregdetare turke.
Anija shqiptare mbajti nën kontroll gomonen, deri në imbarkimin e personave në bord, të cilët u dërguan për veprime në portin e Çeshmes.