Ish-ministri i Drejtësisë, Ylli Manjani vlerëson doreheqjen e drejtorit të Targave dhe Patentave, Arben Isaraj, ndërsa heq një paralele me ministrin e Brendshëm, Fatmir Xhafaj, sipas të cilit vëllai i tij ka kryer vepra penale shumë më të rënda.
Manjani: Vëllai i Arben Isarait u arrestua për shumë më pak nga sa ka bërë vëllai i Fatmir Xhafajt. Megjithatë Arbeni dha dorëheqje nga një funksion shumë më të pa rëndësishëm sesa ai që mban Fatmiri. E përshëndes zotin Arben Isaraj për qytetarinë dhe nivelin e lartë etik e profesional! Ky është standardi i sjelljes se zyrtarit publik, standard të cilin Rilindja na e kishte fshirë nga memoria politike.