Njësitë speciale të policisë kanë ushtruar kontrolle në banesat e fshatit Sjtar në Delvinë dhe në Sarandë, ky dyshohej se fshihej Balili, i konsideruar si Escobari i Ballkanit, por personi në kërkim nuk është gjetur.
Mësohet se policia ka lënë të lirë edhe tre personat e shoqëruar gjatë kontrolleve në fshatin Stjar.
Kontrollet për arrestimin e Klement Balilit janë bërë në Vlorë, Sarandë e Delvinë.
Emri i Klement Balilit u bë i njohur pasi grupi i tij u godit në Greqi, falë një hetimi ku ishte përfshirë dhe DEA amerikane.
Disa përpjekje të njëpasnjëshme të policisë për kapjen e tij kanë përfunduar pa sukses. Ndërkohë ish-ambasadori amerikan, Donald Lu ka vënë në dukje mos arrestimin e tij duke e cilësuar dështim.
Iken dhe Lul Berisha
Policia ka ushtruar kontrolle dhe në banesën e Lulzim Berishës në Durrës pas dyshimeve për aktivitet kriminal.
Mësohet se Lulzim Berisha nuk u gjet në banesë, gjithashtu nuk janë gjetur sende të paligjshme