Më shumë se 90 për qind e bizneseve që operojnë në Shqipëri nuk mund të monitorohen nga inspektorati i punës. Në këto kushte sigurimi i standardeve mbetet një proces i vështirë. Në raportin e punës 9 mujore Arben Seferi ka deklaruar se ka një ndërgjegjësim të punëmarrësve të cilët vetëm në këtë periudhë kanë paraqitur 486 ankesa
Vetëm gjashtë për qind e bizneseve në të gjithë vendin mund të mbikqyren prej inspektoriatit përsa i përket zbatimit të kushteve të punës.
Sot, kreu i Inspektoratit Arben Seferi në raportimin e punës nëntë mujore ka kërkuar masa shtesë për të garantuar zbatimin e kontratave të punëmarrësve.
“Ne nuk mbulojmë dot më shumë se 6 % të biznesit aktiv në Republikën e Shqipërisë” u shpreh Arben Seferi.
Gjatë 2018 numri i ankesave ndaj punëdhënësve është rritur duke shkuar 486.
Ndër shkaqet kryesore janë pagat e prapambetura.
Pavarësisht problematikave Inspektoriati i Punës deklaron se nuk janë sanksionuar gjoba.
Por sipas kreut të tij po punohet për një rregullore për dënimet administrative , e cila do të sigurojë standardet e punësimit.