Wednesday, November 21, 2018

PD vijon akuzat: Dako duhet të shkojë në burg për krim elektoral

46
0

Kanë vijuar edhe sot akuzat e PD kundrejt kryebashkiakut të bashkisë së Durrësit, Vangjush Dako. Në një deklaratë për mediat, deputeti Oerd Bylykbashi tha se faktet e krimit elektoral të Vangjush Dakos janë të qarta dhe për këtë krim ai duhet të jetë në burg

“Dosja 339 provon modelin e marrjes se pushtetit nga Edi Rama nëpërmjet shkëmbimit të pasurive publike tek bandat për votat e blera apo grabitura nga këto banda”, u shpreh Bylykbashi.

Deklarata e deputetit Oerd Bylykbashi

Partia Demokratike kërkon arrestimin dhe gjykimin pa vonesë të Vangjush Dakos.

Faktet e krimit elektoral të Vangjush Dakos, janë të qarta dhe për këtë krim, ai duhet të jetë në burg!

Përgjimet e dosjes 339 kanë faktuar se Vangjush Dako është në komunikim të vazhdueshëm me bandat para, gjatë dhe pas zgjedhjeve.

Janë pikërisht ato banda që sot po marrin tendera, licenca dhe leje ndërtimi në Durrës.

Dosja 339 provon modelin e marrjes se pushtetit nga Edi Rama nëpërmjet shkëmbimit te pasurive publike tek bandat, për votat e blera apo grabitura nga këto banda për llogari të tepsisë së Edi Ramës.

Vangjush Dako duhet të arrestohet pa vonesë. Çdo ditë në liri ai shkatërron prova dhe manipulon dëshmitarët, i ndihmuar plotësisht nga kryeministri i vendit Edi Rama.

Krimi elektoral ka bllokuar rotacionin demokratik dhe qeverisjen e shtetit të së drejtës.

Në Shqipëri nuk ka për të patur as drejtësi, as luftë kundër krimit dhe asnjë zhvillim normal pa u ndëshkuar krimi elektoral që mban sot në pushtet ilegjitimisht Edi Ramën.

LEAVE A REPLY