Policia në Selanik ka rrestuar pesë shqiptarë dhe katër grekë pasi akuzohen për trafikimin e sasive të mëdha të drogërave.
Të arrestuarit janë të moshës 28-64 vjeç, nga të cilat shtatë janë meshkuj dhe dy janë gra. Sipas policisë, shqiptarët dhe grekët janë anëtarë të një organizate kriminale, lideri i së cilës ndodhet në burg.
Mediat greke raportojnë se organizat trafikonte kokainë, heroinë dhe kanabis të përpunuar.
Gjatë operacionit policor, njëri nga të arrestuarit hodhi nga dritarja e shtëpisë së tij një pako me 212 gram kanabis, e cila më pas u konfiskua.
Po vijojnë hetimet për zbulimin e implikimit të personave të tjerë.