Katolikët në mesnatë dhe ortodoksët në mëngjes, kremtuan në të gjithë vendin festën e Krishtlindjes.
Bëhuni dritë për ata që u rrethojnë, ishte mesazhi i Arqipeshkvit Angelo Masafra për besimtarët katolitikë të Shkodrës.
Mesha e shenjtë e lindjes së Krishtit u pasua nga një spektakël fishekzjarresh.
Ndërsa ipeshkvi i Lezhës Otavio Vitale në mesazhin e tij u ndal tek largimi i shqiptarëve.
Nën frymën e solidaritetit, kjo Krishtlindje ishte e gëzueshme edhe për fëmijët në nevojë të Lezhës. Për ta menduan nxënësit e shkollës së kuzhines që u ofruan drekën e Krishtlindjes.
Që në orët e para të mëngjesit besimtarët Ortodoksë mbushën kishat në të gjithë vendin për të festuar lindjen e Jezu Krishtit.
Ata kryen ritet fetare dhe uruan për më shumë harmoni e lumturi në familjet shqiptare.
Pas meshave të shenjta, festimet për krishtlindjen vijojnë në familje sipas traditës.