Një përplasje mes shqiptarëve ka ndodhur në një kafene në Lamia të Greqisë. Sipas mediave greke incidenti ndodhi mbrëmjen e së enjtes, ku një grup shqiptarësh kishin pirë ca gota dhe shanin grekët.
Por një bashkatdhetar i tyre teksa i dëgjoi u afrua duke i tërhequr vëmendje që të ndalonin dhe mos shanin më.
Ata jo vetëm që nuk iu bindën, por filluan të bërtisnin duke e kërcënuar, madje njëri prej tyre mori një karrige për ta goditur shqiptarin tjetër.
Por, vazhdimi, thonë mediat greke nuk ishte ashtu siç mund të mendohej, pasi shqiptari tjetër doli më i fortë sesa bashkatdhetarët e tjerë të tij, duke ia treguar vendin.
Policia mbërriti menjëherë pasi lokali tashmë ishte shndërruar në një arenë “ringu”.
Personat u shoqëruan në polici për të sqaruar ngjarjen.