Moti i kthjellët por i ftohtë karakterizon të gjithë territorin shqiptar përgjatë gjithë 24-orëshit. Përjashtim bëjnë, zonat malore përgjatë shtrirjes Lindore të cilat do të ketë vranësira të shpeshta, sipas MeteoAlb.
Parashikohet që në orët e vona të mbrëmjes vranësirat të shfaqen në të gjithë territorin e vendit por nuk priten reshje. Ky stabilitet i atmosferës do të na shoqërojë deri mëngjesin e së enjtes.
Temperaturat e ajrit mbeten të ulëta në mëngjes dhe mesditë duke luhatur vlerat ditore nga -6°C deri në 13°C.
Era do të fryjë mesatarisht me shpejtësi 35 km/h nga drejtimi verilindor, kjo do të bëjë që në brigjet detare të krijohen dallgë 2 – 3 ballë.
Rajoni dhe Europa
Kushtet e paqëndrueshme atmosferike vijojnë në Europen Veriore dhe pjesërisht në qendër duke diktuar reshje të dendura dëbore si pasojë e dy qendrave të presionit të ulet atmosferik të zhvilluar mbi këto rajone.
Po ashtu, me rrebeshe shiu dhe stuhi të forta ere paraqitet situata e motit për Gadishullin Iberik.
Ndërsa pjesa tjetër e kontinentit do të jetë në ndikimin e masave të ftohta siberiane duke diktuar mot të kthjellet por të ftohtë, Gadishulli i Ballkanit do të përjetojë temperatura shume të ulëta.
