Kryeministri Edi Rama pritet të prezantojë sot platformën për “Konsultimin e madh Kombëtar”, të cilën e kishte njoftuar para formimit të qeverisë së re dhe që sipas tij synon që për vendimmarrjet e rëndësishme do merret edhe mendimi i qytetarëve.
“Nesër vendosim në qeveri Konsultimin e madh Kombëtar me shqiptarët për vendime të rëndësishme të vitit që po vjen dhe le ta dëgjojmë sa më shumë njëri-tjetrin, jashtë llogoreve të ngushta partiake e llogjeve të mëdha provinciale! Ata s’kanë ç’humbin më ne s’kemi kohë për të humbur”njoftoi Rama dje në twitter.
Njoftimin Rama e bëri pas mbledhjes së Këshillit të Ministrave ku u bë një analizë e punës së bërë në 100 ditët e para të qeverisjes.