Saturday, December 10, 2022
HomePolitikëNikolla urim me rastin e Vitit të Ri: Me besimin se ditët...

Nikolla urim me rastin e Vitit të Ri: Me besimin se ditët më të mira i kemi të gjithë përpara: Gëzuar!

-

Kryetarja e Kuvendit, Lindita Nikolla ku uruar sot shqiptarët me rastin e vitit të ri 2022. Përmes një mesazhi, kryeparlamentarja uroi shqiptarët për ditë më të mira dhe të gëzuara.

“Të dashur bashkëqytetarë e bashkëkombës kudo ku ndodheni.
Sonte, të gjithë do të mblidhemi në vatrat familjare për të pritur e festuar Vitin e Ri 2022.
Në prag të kësaj feste të bukur tradicionale, dërgoj urimet e mia më të përzemërta te çdo familje shqiptare, këtu në atdhe a në Diasporë.

2021 ishte i dyti vit i vështirë, nën kufizimet e pandemisë, e cila po teston jo vetëm shëndetin tonë, por edhe shpirtin, besimin, qëndresën dhe humanizmin tonë.

Prandaj shpresa dhe gëzimi i Vitit të Ri le të na bashkojë për të përballuar vështirësitë, tejkaluar vuajtjet dhe rindërtuar normalitetin e jetës.

Uroj që 2022 të jetë një hap përpara në jetën dhe dëshirat e të gjithëve.
Dëshiroj që secili të ketë më shumë mundësi për të përmirësuar jetën e vet e të familjes dhe të udhëhiqemi nga fryma e solidaritetit për të përmirësuar edhe jetët e të tjerëve.
Nata e Vitit të Ri është çasti kur të gjithë kemi mundësi të reflektojmë se edhe pse nuk kemi mundësi të ndryshojmë vitin që lamë pas, mund dhe duhet të punojmë për të ndryshuar vitin dhe vitet që vijnë.
Dritë në shpirtin tuaj, dashuri në zemrat tuaja, lumturi në jetët tuaja!
Me besimin se ditët më të mira i kemi të gjithë përpara: Gëzuar!”, shkruan Kryetarja e Kuvendit, znj. Lindita Nikolla, në urimin e saj me rastin e Vitit të Ri 2022.

Related articles

LEAVE A REPLY

Please enter your comment!
Please enter your name here

Stay Connected

0FansLike
0FollowersFollow
3,601FollowersFollow
3,572SubscribersSubscribe
spot_img

Latest posts