Flamur Noka dhe Gazment Bardhi janë proceduar penalisht nga ana e policisë. Në një njoftim policia bën me dije se
Gazment Bardhi akuzohet për veprat penale “Shkelja e rregullave mbi lëndët plasëse dhe djegëse dhe radioaktive” dhe “Stërvitja për prodhimin dhe përdorimin e paligjshëm të armëve e lëndëve të tjera të rrezikshme”, ndërsa Flamur Noka për veprat penale “Organizimi dhe pjesëmarrja në grumbullime e manifestime të paligjshme” dhe “Pengimi i qarkullimit të mjeteve të transportit”.
Blutë arrestuan 34 persona dhe proceduan 18 të tjerë penalisht, pasi akuzohen për veprime të dhunshme në protestën e ditës së djeshme (8 janar) që u zhvillua para selisë së PD.