Vendi ynë paraqitet në ndikimin e kushteve të qëndrueshme atmosferikë për gjatë gjithë ditës, duke sjellë alternime kthjellimesh dhe vranësirash të shpeshta.
Sipas Meteoalb, parashikohet që vranësirat të pësojnë zhvillim në ekstremin jugor dhe juglindje të vendit duke sjelle shira të izoluar në Jug si edhe dëborë të izoluar në juglindje të vendit.
Temperaturat e ajrit do të ulen lehtë në mëngjes, por do të rriten në mesditë duke luhatur vlerat ditore nga -1°C deri në 16°C.
Era do fryjë e lehtë deri mesatare me shpejtësi mbi 35 km/h nga drejtimi verilindor duke krijuar në brigjet detare dallgëzim 1 – 2 ballë.
Rajoni dhe Europa
Ishujt britanikë do të jenë nën dominimin e vranësirave të cilat do të gjenerojnë reshje të dendura shiu.
Gjithashtu mbetet me vranësira të shumta dhe reshje të dendura dëbore Lindja e kontinentit.
Ndërsa pjesa tjetër e Europës paraqitet me mot të qëndrueshëm, ku moti do të jetë i kthjellët me kalime të shpeshta vranësirash.
