Wednesday, August 17, 2022
HomePolitikëRama paralajmëron: Do të nisë kontrolli për ata që deklarojnë pak të...

Rama paralajmëron: Do të nisë kontrolli për ata që deklarojnë pak të ardhura dhe bëjnë jetë luksi

-

Kryeministri Edi Rama paralajmëroi ditën e sotme se do të nisin kontrollet për individët që deklarojnë më pak të ardhura dhe bëjnë një jetesë të shtrenjtë me makina dhe shtëpia që nuk mund të blihen kurrë me të ardhurat që individë të caktuar deklarojnë.

“Kjo është një kohë kur ata që kanë më shumë duhet me patjetër të kontribuojnë më shumë. Është një kohë kur patjetër të gjithë bizneset duhet të hedhin një hap më tutje për të formalizuar marrëdhëniet me punëmarrësit e tyre. Për të formalizuar pagat e tyre. Dhe për të mos ngrënë pensionet e tyre. Ne do të bëjmë një punë shumë intensive lidhur me kontratat. Punë që ministrja ka nisur me disa raste specifike por edhe për të ndihmuar punonjësit që të kenë kontrata që garantojnë të dyja palët.

Nuk mund të kemi situata kontraktuale me ato që kemi verifikuar në rastet e kontrollit. Është shumë domethënëse që në të gjithë sektorët me risk janë më shumë se gjysma që kanë kaluar mbi pagën minimale si pasojë e këtij korrektimi. Dhe që sot në Mars kemi një pagë mesatare të rritur mbi 100 mijë lekë. Ne do të shkojmë më tutje në ballafaqimin e pagave të deklaruara me stilin e jetesës.

Kjo vlen për ata që marrin paga të larta dhe i shmangen deklarimeve në mënyra të ndryshme. Ka një nismë për mbylljen e asaj hapësirë kur luhet nga individët për t’u shfaqur si subjekte fizike. Do ecim me kontrolle për boshllëqet që lidhen me deklarimin e të ardhurave me stilin e jetesës. Nuk mund të kesh të ardhura X dhe të kesh shtëpia dhe të ardhura që nuk blihen kurrë me ato të ardhura”, deklaroi Rama.

Related articles

LEAVE A REPLY

Please enter your comment!
Please enter your name here

Stay Connected

0FansLike
0FollowersFollow
3,434FollowersFollow
3,572SubscribersSubscribe
spot_img

Latest posts