Nënkryetari i LSI-së, Petrit Vasili akuzon qeverinë Rama për vjedhje në rrugën e re kombëtare Kardhiq-Delvinë, ku thotë se nga 50-60 milion euro, kostot Rama i rriten në rreth 108 milion euro. Po ashtu bën thirrjen që SPAK-u të hetojë këtë aferë.
Postimi i plotë
Fakte të rënda për grabitjen e fondeve për rrugën Kardhiq-Delvinë, po SPAK ku është. Dyfishohen kostot e Rruges Kardhiq-Delvinë. Nga 50-60 milion euro kostot rriten në rreth 108 milion euro. Grabitja mafioze e shtetit është përpara syve.
Me një skemë të coptuar në dhjetra tendera e shtesa kontratash deri edhe në tre herë radhazi grabitja ka dyfishuar kostot dhe kanë ngopur me para kompanitë kliente dhe veten e tyre.
Ndërkohë, që rilindja plaçkit taksat e shqiptarëve SPAK hesht dhe mbyll sytë. SPAK që merret pa u lodhur me kombajnën e Bektashit, që korr grurë miliardat që plaçkit qeveria bën sikur nuk i sheh.
Faktet janë aty dhe askush nuk i fsheh dot. Ne nuk do t’i ndahemi çuarjes deri në fund të drejtësisë për plaçkitësit e rilindjes, që guxojnë dhe bëjnë edhe moral.