Wednesday, August 17, 2022
HomePolitikëPresidenti Meta letër urimi Joe Biden për 246-vjetorin e Pavarësisë së SHBA-ve

Presidenti Meta letër urimi Joe Biden për 246-vjetorin e Pavarësisë së SHBA-ve

-

Presidenti i Republikës së Shqipërisë, Ilir Meta i ka dërguar një letër urimi Presidentit të SHBA-ve, Joe Biden me rastin e 246 vjetorit të pavarësisë së SHBA. Meta në mesazhin e tij ka shtuar se “kjo ditë përkon edhe me 100-vjetorin e vendosjes së marrëdhënieve diplomatike midis vëndeve tona”.

Letra e plotë

🇦🇱🤝🇺🇸 I nderuar Zoti President, Shkëlqesia Juaj Joseph R. Biden Jr.,

Viti 2022, shënon 246-vjetorin e pavarësisë së Shteteve të Bashkuara, dhe përkujtimit të udhëtimit dhe sakrificave të popullit të madh amerikan, në rrugën e lirisë, demokracisë dhe begatisë.

Arritjet mbresëlënëse të vendit Tuaj, kanë qenë dhe mbeten një burim frymëzimi për të gjitha kombet e tjera që aspirojnë për parimet universale të demokracisë, lirive dhe dinjitetit njerëzor.

I nderuar Zoti President,

Është një kënaqësi e veçantë për mua që sot më 4 Korrik, në këtë ditë të shënuar, në emrin tim dhe të popullit shqiptar, t’uu uroj Ju dhe popullit amerikan “Gëzuar Festën e Pavarësisë”, si dhe t’ju shpreh urimet më të mira për shëndetin dhe lumturinë Tuaj dhe përparimin e sigurt të Shteteve të Bashkuara të Amerikës!

Ky mesazh urimi iu shkon edhe të gjithë shqiptaro – amerikanëve, të cilët kanë kontribuar pa rreshtur në forcimin e marrëdhënieve tona duke shërbyer si një urë lidhëse për miqësinë tonë afatgjatë e të fortë.

Kam kënaqësinë t’Ju përcjell i dashur zoti President, në këtë përvjetor të 246 të Pavarësisë së Shteteve të Bashkuara, që përkon edhe me 100-vjetorin e vendosjes së marrëdhënieve diplomatike midis vëndeve tona, vendosmërinë e Shqipërisë për të qëndruar në krah të SHBA, në shërbim të interesit të përbashkët të dy kombeve tona miq.

Në këtë ditë të shënuar të Pavarësisë së vendit Tuaj dhe një shekull marrëdhëniesh diplomatike mes nesh, uroj forcimin e pandalshëm të lidhjes dhe miqësisë tonë të bekuar!

Ju lutem pranoni zoti President, sigurimet e vlerësimit tim më të lartë.

Related articles

LEAVE A REPLY

Please enter your comment!
Please enter your name here

Stay Connected

0FansLike
0FollowersFollow
3,434FollowersFollow
3,572SubscribersSubscribe
spot_img

Latest posts