Mbi 51 kg kanabis janë sekuestruar nga policia në kufirin greko-shqiptar. Operacioni në Kozani u zhvillua nga policia kufitare greke e Kapshticës.
Burime bëjnë me dije se është ndalur një mjet që vinte nga kufiri i gjelbër. Nga kontrolli janë gjetur e sekuestruar 3 çanta që kishin brenda 51 pako drogë.
Pesha totale është 52 kg e 495 gramë ndërsa në pranga ka rënë shoferi i mjetit, një 31-vjeçar. Gjithashtu në pranga ka rënë një tjetër drejtuese mjeti e cila shërbente për kontrollin e rrguës.
Bëhet fjalë për një shtetase shqiptare 51 vjeç. Policia ka sekuestruar gjithashtu 3 celularë, 5 karta SIM dhe 1050 euro ndërsa hetimet vijojnë.
