Kryetari i Partisë së Lirisë Ilir Meta e ka nisur ditën me një mesazh nga protesta e djeshme.
Ai ka publikuar në faqen e tij në facebook foton e një fëmije i cili mbante në dorë një pankartë ku shkruhej, “inceneratroi po djeg paratë e librave të mi”.
Në komentin e tij kryetari i PL shkruan se, “paratë që duhet të shpenzoheshin për një arsim cilësor, vidhen me inceneratorët duke djegur të ardhmen e fëmijëve”.
Mesazhi i plotë:
Një nga mesazhet më domethënës të protestës qytetare!
Paratë që duhet të shpenzoheshin për një arsim cilësor, vidhen me inceneratorët duke djegur të ardhmen e fëmijëve.
Arsim cilësor pa buxhetim nuk mund të ketë. Vetëm arsimi, si prioritet kombëtar, sjell zhvillim.
