Kreu i Partisë Demokratike, Sali Berisha është shprehur se kryeministri Edi Rama është avokati i vetëm politikës filoruse të presidentit serb, Aleksandër Vuçiç në Europë. Në një bashkëbisedim me shqiptarët në Itali, Berisha tha se revolucioni i PD do të shpëtojë vendin nga rrokullisja ku është futur.
Pjesë nga fjala e Berishës:
Meqë jam në këtë temë, dua të ju them këto gjëra. PD-ja është partia e parë politike në Europën ish-komuniste që kërkoi anëtarësimin në NATO.
PD-ja ishte ndër të para parti në qeveri që nënshkroi partneritetin me NATO-n. Hapi bazat e saj, detare e ajrore dhe territorin për instalimet e SHBA dhe NATO në Shqipëri.
Bashkë me qeverinë Italiane dhe azere ka luajtur një rol përcaktuar për bllokimin e korridorit të jugut për gazin rus dhe sjelljen e gazit nga Azerbajxhani, ç’ka përbën një kontribut historik në sigurinë energjetike të Europës.
