Ne të gjithë e dimë se duhet të hamë më pak sheqer dhe ëmbëlsuesit ofrojnë një alternativë bindëse.
Por më shumë prova kanë filluar të shfaqen se zëvendësuesi mund të dëmtojë trupin tuaj në më shumë mënyra sesa vetë sheqeri.
Një studim i ri ka zbuluar se konsumimi i ëmbëlsuesve artificialë mund të çojë në probleme serioze të kujtesës afatgjatë.
Studiuesit nga SHBA zbuluan gjithashtu se ëmbëlsuesit ngadalësojnë metabolizmin, gjë që gjithashtu mund të çojë në një rrezik të shtuar të diabetit.
Ëmbëlsuesit gjithashtu kanë më shumë gjasa ta bëjnë shqiswn e shijes më pak të ndjeshme ndaj sheqerit .
Kjo mund të bëjë që njerëzit të konsumojnë më shumë pije dhe ushqime me sheqer për të përjetuar shijen e ëmbël, përfundoi studimi i publikuar në J CI Insight .
Bashkautori i studimit, Profesor Scott Kanoski i Universitetit të Kalifornisë Jugore tha: “Ndërsa gjetjet tona nuk tregojnë domosdoshmërisht se dikush nuk duhet të konsumojë ëmbëlsues me kalori të ulët në përgjithësi, ato theksojnë se konsumi i zakonshëm i ëmbëlsuesve me kalori të ulët gjatë adoleshencws mund të ketë ndikime afatgjata.”
Si pjesë e studimit, ekipi u dha minjve ujë të ëmbëlsuar me disa zëvendësues të ndryshëm të sheqerit me kalori të ulët, duke përfshirë sakarinën, ACE-K dhe stevia.
Një grup i veçantë minjsh pinë ujë të thjeshtë me ushqimin e tyre.
Pas një muaji, minjtë u bënë të rritur dhe autorët e studimit vlerësuan kujtesën e tyre duke përdorur dy teste të ndryshme.
Testet treguan se minjtë që pinin pije të ëmbla gjatë rritjes kishin vështirësi në kalimin e testeve të kujtesës në krahasim me minjtë që pinin vetëm ujë.
Në një studim të veçantë, studiuesit zbuluan se ëmbëlsuesit artificialë mund t’i bëjnë njerëzit të shëndoshë.
Ekipi kanadez shqyrtoi 37 studime që përfshinin më shumë se 400,000 njerëz për një mesatare prej dhjetë vjetësh.
Ata nuk gjetën asnjë efekt të qëndrueshëm të ëmbëltuesve artificialë në humbjen e peshës me prova që sugjerojnë se ato mund të dëmtojnë metabolizmin.
