Sunday, January 29, 2023
HomePolitikëKuvendi vijon sot punimet, nga përjashtimi i Nokës, te akuzat e Berishës...

Kuvendi vijon sot punimet, nga përjashtimi i Nokës, te akuzat e Berishës dhe Shehajt për Ramën

-

Seanca e djeshme nisi në orën 15:00 teksa u pasua nga debate të forta mes deputetëve të PD dhe kryeparlamentares Lindita Nikolla.

Kjo pasi, Flamur Noka kërkoi vendimin për largimin e tij nga grupi parlamentar i PD-së. Për disa minuta Noka bllokoi foltoren, çka solli më pas dhe përjashtimin e tij nga seanca.

Debate të forta dhe akuza pati dhe nga kreu i PD-së Sali Berisha dhe deputeti i PD-së Agron Shehaj për kryeministrin Edi Rama. Shehaj e Berisha akuzuan Ramën se fshihet pas një kompanie ofshore në Holandë e cila qëndron pas inceneratorëve. Kryeministri i cilësoi akuzat ekstreme.

 

 

Në seancën e sot pritet të diskutohet akti normativ “Për disa shtesa dhe ndryshime në ligjin nr.115/2021, “Për buxhetin e vitit 2022”, të ndryshuar, projektligji “Për aderimin në iniciativën e përbashkët për Rregulloren e Brendshme për Shërbimet të Organizatës Botërore të Tregtisë”, projektligji “Për disa ndryshime dhe shtesa në ligjin “Për huamarrjen shtetërore, borxhin shtetëror dhe garancitë shtetërore të huas në Republikën e Shqipërisë”.

Pjesë e diskutimeve do të jenë edhe projektligjet “Për dekoratat në Republikën e Shqipërisë”, “Për titujt e nderit dhe titujt vendorë të nderit në Republikën e Shqipërisë”, “Për barnat dhe shërbimin farmaceutik”, të ndryshuar, projektligji “Për disa ndryshime në ligjin “Kodi Rrugor i Republikës së Shqipërisë”.

Po ashtu deputetët do të diskutojnë për aktin normativ “Për disa ndryshime dhe shtesa në ligjin ”Për nënshkrimin elektronik”, të ndryshuar; projektligjin “Për ratifikimin e marrëveshjes sektoriale, ndërmjet Këshillit të Ministrave të Republikës së Shqipërisë dhe Komisionit Evropian, që përcakton dispozitat e menaxhimit dhe zbatimit të asistencës financiare të Bashkimit Evropian për Republikën e Shqipërisë, në kuadër të programit për zhvillimin rural të instrumentit për asistencën e paraanëtarësimit (IPARD III), projektligj in “Për krijimin e kontributit të solidaritetit gjatë kohëzgjatjes së periudhës së krizës energjetike”.

Në seancë do të diskutohen projektvendimet “Për zgjedhjen e Kryetarit të Autoritetit për Informimin mbi Dokumentet e Ish-Sigurimit të shtetit”, “Për emërimin e një anëtari të Bordit të Entit Rregullator të Energjisë Elektrike”, “Për disa ndryshime në strukturën organizative të Inspektorit të Lartë të Deklarimit dhe Kontrollit të Pasurive dhe Konfliktit të Interesave”, “Për miratimin e strukturës, organikës dhe kategorizimit të pozicioneve të punës të Komisionerit për Mbikëqyrjen e Shërbimit Civil”, i ndryshuar, projektvendim “Për emërimin e një anëtari të Gjykatës Kushtetuese”, “Për zgjedhjen e Avokatit të Popullit” si dhe do të ketë edhe diskutime për çështje jashtë rendit të ditës.

Related articles

LEAVE A REPLY

Please enter your comment!
Please enter your name here

Stay Connected

0FansLike
0FollowersFollow
3,674FollowersFollow
3,572SubscribersSubscribe
spot_img

Latest posts